Page:Fugitive Poetry 1600-1878.djvu/419

And though the wound it carried smart,
 And twitched me sair wi' rackin' pain,
Wi' honour's scars I wadna part,
 Nor yet my leg take back again.

Cheer up your heart since I am here,
 Wi' smiles your cheek gae deck again;
Cheer up, my lass, an' dinna fear,
 Your Donald's safe come back again.

Though mony a rattlin' blast has blawn,
 There's plenty in the stack again;
My wee lock siller's a' your ain
 Now sin' I'm safe come back again.

Now may the wars for ever cease,
 Your heart nae mair to rack again;
And may we live in love and peace,
 Sin' Donald's safe come back again.

But should my country call me forth
 Her freedom to protect again,
Claymore in hand I'd leave the North,
 If I should ne'er come back again.

Bonnie Laddie, Highland Laddie.

Where hae ye been a' the day,
 Bonnie laddie, Highland laddie?
Saw ye him that's far away,
 Bonnie laddie, Highland laddie?
On his head a bonnet blue,
 Bonnie laddie, Highland laddie;
Tartan plaid and Highland trews,
 Bonnie laddie, Highland laddie.

When he drew his gude braidsword,
Then he gave his royal word,
That frae the field he ne'er wad flee,
But wi' his friends wad live and dee.

d d