Hǣ on Galileam, Godes rīces godspell bodigende,
15. and þus cweðende, Witodlīce tīd is gefylled, and heofena rīce genēalǣcð; dōð dǣdbōte, and gelyfað þām godspelle.
16. And þā hē fērde wið þā Galileiscan sǣ, hē geseah Simonem and Andream his brōðor hyra nett on þā sǣ lǣtende; sōðlīce hi wǣron fisceras.
17. And þā cwæð sē Hǣlend, Cumað æfter mē, and ic dō inc þæt gyt bēoð sāwla onfōnde.
18. And hi þā hrædlīce him fyligdon, and forlēton heora net.
19. And ðanon hwōn āgān hē geseah Iacobum †Zebedei, and Iohannes his brōðor, and hi on heora scype heora nett lōgodon.
20. And hē hī sōna clypode; and hī heora fæder Zebedeo on scipe forlēton mid hȳrlingum,
21. and fērdon tō Cafarnaum. And sōna restedagum hē lǣrde hī, on gesamnunge in gangende.
22. And hī wundredon be his lāre; sōðlice hē wæs hī lǣrende swā sē þe anweald hæfð, næs swā bōceras.
23. And on heora gesamnunge was sum man on unclǣnum gāste; and hē hrȳmde,
