Page:Gospel of Saint John in West-Saxon.djvu/110

53. Of þām dæge hig þōhton þæt hī woldon hyne ofslēan.

54. Þā ne fōr sē Hǣlend nā openlīce gemang ððām Iudeon, ac fōr on þæt land wið þæt wēsten, on þā burh þe ys genemned Effrem, and wunode þǣr myd his leorningcnihton.^[1]

55. Iudea ēastron wǣron gehende; and manega fōron of ðām lande tō Ierusalem ǣr þām ēastron, þæt hig woldon hig sylfe gehālgian.^[2]

56. Hig sōhton þone Hǣlend, and sprǣcon him betwȳnan ðǣr hig stōdon on ðām temple, and þus cwǣdon, Hwat wēne gē? Þæt hē ne cume tō frēolsdæge?^[3]

57. Þā bisceopas and þā Pharisei hæfdon beboden, gif hwā wiste hwār hē wǣre, þæt hē hyt cȳdde, þæt hig mihton hine niman.^[4]

CAPUT XII

Ðys godspel sceal on mōnandæg innan þǣre palmwucan.

1. Sē Hǣlend cōm syx dagon ǣr þām ēastron tō Bethania, þār Lazarus wæs dēad þe sē Hǣǣlend āwrehte.^[5]

1. A, iudeum, C, iudeom; A, þar; A, -cnyhtum.
2. A, hierusalem.
3. B, C, þæne; A, þar.
4. A, bysceopas, B, C, biscopas; A, pharysei; A, haf (altered to hafd; later to hafdan).
5. A, dagum; B, C, died.