wēpað; middaneard geblissað; and gē bēoð unrōte, ac ēower unrōtnys byð gewend tō gefēan.[1]
21. Ðænne wīf cenð, hēo hæfð unrōtnysse, for þām þe hyre tīd cōm; þonne hēo cenð cnapan, ne geman hēo þǣre hefignysse, for gefēan for þām mann byð ācenned on middaneard.[2]
22. And witodlīce gē habbað nū unrōtnysse; eft ic ēow gesēo, and ēower heorte geblissað, and nān man ne nimþ ēowerne gefēan fram ēow.[3]
23. And on þām dæge gē ne biddað mē nānes þinges.
Sōð ic ēow secge, Gif gē hwæt biddað mīnne Fæder on mīnum naman, hē hyt sylþ ēow.[4]
24. Oþ þis ne bǣde gē nān þing on mīnum naman: biddaþ, and gē underfōð, þæt ēower gefēa sȳ full.
25. Đās þing ic ēow sǣde on bigspellum. Sēo tīd cymð þænne ic ēow ne sprece on bigspellum, ac ic cȳðe ēow openlīce be mīnum Fæder.[5]
26. On ðām dæge gē biddað on mīnum naman; and ic ēow ne secge, for þām ic bidde mīnne Fæder be ēow.
27. Witodlīce sē Fæder ēow lufað, for þām þe gē lufedon mē, and gelȳfdon þæt ic cōm of Gode.
