7. Đā andswarode sē sēoca him and cwæþ, Drihten, ic næbbe nānne man þæt mē dō on þone mere, þonne þæt wæter āstyred bið; þonne ic cume, þonne biþ ōþer beforan mē.[1]
8. Đā cwæð sē Hǣlend tō him, Arīs, nim þīn bed, and gā.[2]
9. And sē man wæs sōna hāl, and hē nam his bed, and ēode. Hit was restedæg on ðām dæge.[3]
10. Đā cwǣdon þā Iudeas tō þām þe þǣr gehǣled wæs, Hit is restedæg; nis ðē ālȳfed þæt þū þīn bedd bere.[4]
11. Hē andswarude him and cwæð, Sē ðe mē gehǣlde sē cwæð tō mē, Nim þīn bedd, and gā.[5]
12. Đā āxsodon hī hine, Hwæt sē man wǣre þe þē sǣde, Nīm þīn bedd, and gā?[6]
13. Sē þe þǣr gehǣled wæs nyste hwā hit wæs; sē Hǣlend sōþlīce bēah fram þǣre gegaderunge.[7]
14. Æfter þām sē Hǣlend hine gemētte on þām temple, and cwæþ tō him, Nū þū eart hāl geworden; ne synga þū, þē læs þe þē on sumon þingon wyrs getīde.[8]
