Page:Gospel of Saint John in West-Saxon.djvu/79

60. Manega his leorningcnihta cwǣdon, þā hig ðis gehȳrdon, Heard is þēos sprǣc; hwā mæg hig gehȳran?^[1]

61. Ðā wiste sē Hǣlend þæt his leorningcnihtas murcnedon betweox him sylfon be þison, and hē cwæð tō him, þæt ēow beswīcð?^[2]

62. Gyf gē gesēoþ mannes Sunu āstīgendne þǣr hē ǣr wæs?^[3]

63. Gāst is sē ðe gelīffæst; flǣsc ne fremað nān þing; þā word þe ic ēow sǣde synt gāst and līf.^[4]

64. Ac sume gē ne gelȳfað. Witodlīce sē Hǣlend wiste æt fruman hwæt þā gelȳfedan wǣron, and hwā hine belǣwon wolde.^[5]

65. And hē cwæð, For þig ic ēow sǣde þæt nān man ne mæg cuman to mē, būton mīn Fæder hit him sylle.

66. Syððan manega his leorningcnihta cyrdon on bæc, and ne ēodun mid him.^[6]

67. Đā cwæþ sē Hǣlend tō þām twelfum, Cweðe gē wylle gē fram mē?^[7]

68. Þā andwyrde him Simon Petrus and cwæð, Drihten, tō hwām gā wē? þū hæfst ēces līfes word.^[8]

1. Corp., leorigcnihta, A, B, C, leorning-; C, spræce.
2. B, C, syluon.
3. A, þar.
4. A, synd.
5. A, fram (for æt); A, B, C, gelyfendan; A, B, C, belæwan.
6. Corp. leorningcnihtas, A, -cnyhta, B, C, -cnihta; A, eodon.
7. Corp., hælynd; A, B, C, hælend.
8. A, symon.