Page:Gospel of Saint John in West-Saxon.djvu/89

Ðys godspel sceal on mōnandæg on þǣre ōðre lenctenwucan.

Ic fare, and gē mē sēceað, and gē sweltaþ; on ēowre synne; ne mage gē cuman þyder ic fare.^[1]

22. Ðā cwǣdon þā Iudeas, Cweðe gē ofslyhþ hē hine sylfne, for þām hē segð, Gē ne magon cuman þyder ic fare?

23. Ðā cwæþ hē tō him, Gē synt nyþane; and ic eom ufane: ge synt of þison middanearde; ic ne eom of þissan middanearde.^[2][3]

24. Ic ēow sǣde þæt gē sweltað on ēowrum synnum; gif gē ne gelȳfað þæt ic hit sȳ, gē sweltað on ēowre synne.^[4][5]

25. Ðā cwǣdon hī tō him, Hwæt eart þū? Sē Hǣlend cwæð tō him, Ic eom fruma þe tō ēow sprece.

26. Ic haebbe fela be ēow tō sprecenne and tō dēmenne; ac sē þe mē sende is soðfæst; and ic sprece on middanearde þā þing þe ic æt him gehȳrde.^[6]

27. And hig ne undergēaton þæt hē tealde him God tō Fæder.^[7]

28. Sē Hǣlend cwæð tō him, Þonne gē mannes

1. A, secað.
2. A, synd (twice); A, ufene; A, þysum (twice), B, C, þyson (twice).
3. Corp., Ic ne eom... þæt ic hit sy written in a more compressed hand and in part on an erasure.
4. Corp., Ic ne eom... þæt ic hit sy written in a more compressed hand and in part on an erasure.
5. A, eorum.
6. A, fæla; A, sprecanne; A, demanne.
7. A, hyne (for ne); Corp., B, C, undergeton, A, -geaton; Corp., tæalde, A, B, C, tealde.