Page:Gospel of Saint John in West-Saxon.djvu/99

CAPUT X

Ðys [godspel] sceal on tȳwesdæg on þǣre pentecostenes wucan.

1. Sōþ ic secge ēow, Sē þe ne gǣð æt þām gete intō scēapa falde, ac stȳhþ elles ofer, hē is þēof and sceaða.^[1]

2. Sē þe in gǣþ æt þām geate, hē is scēapa hyrde.

3. Þone sē geatweard lǣt in; and þā scēap gehȳrað his stefne; and hē nemð his āgene scēap be naman, [and] lǣt hig ūt.^[2]

4. And þonne hē his āgene scēap lǣt ūt, hē gǣð beforan him, and þā scēap him fyligeað, for þām þe hig gecnāwað his stefne.^[3]

5. Ne fyligeaþ hig uncūþum, ac flēoð fram him, for ðām þe hig ne gecnēowun uncūðra stefne.^[4]

6. Ðis bigspell sē Hǣlend him sǣde; hig nyston hwæt hē spræc tō him.^[5]

7. Eft sē Hǣlend cwæð tō him, Sōþ ic ēow secge, Ic eom scēapa geat.

8. Ealle þā þe cōmun wǣron þēofas and sceaþan; ac þā scēap hig ne gehȳrdon.^[6]

1. A, geate; A, stylð.
2. Corp., A, B, C, Þæne (for Þone); A, getweard let yn and þas; C, sæfne (for stefne, the t being curled into an a); B, C, scep; Corp., B, C, om. and, A, and.
3. C, scep (three times); A, fyliað.
4. A, fyliað; A, gecneowon.
5. A, bigspel.
6. A, comon.