4
LOW DOWN IN THE BROOM.
My daddie is a canker’d carle,
He’ll no twine with his gear,
My minnie she’s a scaulding wife,
Hands a’ the house a-steer;
But let them say, or let them do,
Its a’ ane to me,
For he’s low down, he’s in the broom,
That’s waiting on me;
Waiting on me, my love,
He’s waiting on me;
For he’s low down, he’s in the broom,
That’s waiting on me.
My auntie Kate sits at her wheel,
And sair she lightlies me;
But weel ken I, it’s a envy,
For ne’er a joe has she.
But let them say, &c.
My cousin Kate was sair beguil’d
With Johnnie in the glen;
And aye since syne, she cries, beware
O’ false deluding men.
But let them say, &c.
Gleed Sandy he came wast ae night,
And speir’d when I saw Pate?
And aye since syne the neighbours round
They jeer me air and late.
But let them say, or let them do.
Its a’ ane to me;
For I’ll gae to the bonny lad
That’s waiting on me;
