Page:Kail brose of auld Scotland (1).pdf/4

Up gat Kate that sat i’the nook,
Vow Kimmer, and how do ye?
Up he gat, and ca’d her a Limmer,
And ruggit and tuggid her cockernonie.

They houkit his grave in Duket’s kirk-yard,
E’en far frae the companie;
But whan they were gawn to lay’n i’the yird,
The feint a dead nor dead was he.

And whan they brought him to Duket’s kirk-yard,
He dunted on the kist, the boards did flie,
And whan they were gawn to put’m i’the yird,
In fell the kist, and out lap he.

He cry’d, I’m cauld, I’m unca cauld,
Fu’ fast ran the fowk, and fu’ fast ran he:
But he was first hame at his ain ingle side,
And he helped to drink his ain dirgie.

MY APRON DEARY.

’Twas early in the morning, a morning of May,
A soldier and a lassie was walking astray,
Close down in yon meadow, yon meadow brow,
I heard the lass cry, My apron now.

Chorus,
My apron, deary, my apron now,
My belly bears up my apron now:
But I, being a young thing, was easy to woo,
Which makes me cry out, My apron now.

O had I ta’en counsel of father or mother,
Or had I advised with sister or brother;
But I, being a young thing, and easy to woo;
It makes me cry out, My apron now.
My, apron deary, my apron now, &c.