XLV. Đætte on oðre wisan sint to manianne ða þe nohwæðer ne oðerra monna ne wilniað, ne hiora agen nyllað sellan; on oðre wisan ða þe willað sellan ðæt hie gestrienað, & ðeah nyllað geswican ðæt hie oðre men ne reafien.
On oðre wisan sint to manianne ða þe nauðer ne oðerra monna ne wilniað, ne hiora agen nyllað sellan; on oðre ða þe hiora agen willað sellan, & ðeah ne magon forlætan ðæt hie oðre men ne reafien. Ac ða ðonne þe hiora agen nyllað sellan, ne eac oðerra monna ne gidsiað, hie sint to manianne ðæt hie geornlice geþencen ðæt ðios eorðe, þe him ðæt gestreon of com, eallum monnum is to gemanan geseald, & forðæm eallum monnum bringð gemænne foster. Hwæt se ðonne unryhtlice talað, se þe talað ðæt he sie unscyldig, gif he ða god, þe us God to gemanan sealde, him synderlice agnað. Ac ðonne hie nyllað sellan ðæt ðæt hie underfengon, ðonne mæstuð hie hie selfe on hiora niehstena cwale, forðæm he nealice swæ fela ðearfena ofsleað swæ hie ieðlice mid hiora ælmessan gehelpan meahton, gif hie woldon. Forðæm, ðonne ðonne we ðæm ðearfum hiora niedðearfe sellað, hiora agen we him sellað, nealles ure; & ryhtlicor we magon cweðan ðæt we him gielden scylde ðonne we him mildheortnesse don. Forðæm sio Soðfæstnes, ðæt is Crist, ða ða he lærde ðæt mon ælmessan warlice sellan sceolde, ða cwæð he : Giemað ðæt ge eowre ryhtwisnesse ne don beforan mannum. To ðæm cwide belimpeð eac ðæs psalmscopes song þe he sang, ða he cwæð: Se todælð his god, & selð
XLV. That those who neither desire the property of others, nor care to give away their own, are to be admonished in one way; in another those who desire to give away what they acquire, and yet will not cease robbing others. In one way are to be admonished those who neither desire the pro- perty of others, nor care to give away their own; in another those who wish to give away their own, and yet cannot give up robbing others. Those who will not give away their own, and do not desire that of others, are to be admonished to consider carefully that this earth, whence their gain came, is given to all men to be held in common, and therefore produces for all men common nourishment. He argues,
