Page:King Alfred's West-Saxon Version of Gregory's Pastoral Care (2).djvu/371

Saducia anmodlice his ehton, he tilode hie betweox him to tosceadanne, & ðus cwæð: Hwæt do ge, broðor, doð esnlice. Hu, ne eom ic eower gefera, & eom Fariseisc swæ same swæ ge? & forðæm min mon eht þe ic bodige ymb ðone tohopan deadra monna æristes. Forðæm he cwæð ða word, forðæm ða Saducie andsacedon ðære æriste æfter deaðe, & ða Fariseos geliefdon ðære æriste, swæ swæ ða halgan gewritu bodiað. Swæ he tosced ðara ehtera anmodnesse þe hiene ær woldon fordon, & Paulus com gesund ðanon. Eac sint to manianne ða þe on ðæm bioð abisgode ðæt hie sibbe tiliað, ðæt hie ærest tiligen to gecyðonne ðæm ungesceadwisum modum hu sio lufu bion scyle ðære inweardlican sibbe, ðylæs him æfter firste sio uterre sib derige; forðon, ðonne ðonne hie geðenceað ða ryhtan lufe, ðæt hie eac geðencen ðæt hie ne weorðen beswicene mid ðære uterran lufe, & ðonne hie ongietað ða godcundan sibbe, ðætte sio eorðlice sib hie ne geteo to wyrsan. Ond eft ðonne sume yfele men swæ gerade bioð ðæt hie ne magon godum monnum derigean, ðeah hie willen, ðonne is betre ðeah ðæt mon eorðlice sibbe betweox ðæm fæstnige, oððæt hie mægen ongietan ða uplican sibbe; ðætte hie ðurh ða menniscan sibbe mægen astigan to ðære godcundan sibbe, ðeah hio him ðonne [giet] fior sie, forðæm ðæt yfel hiora unrihtwisnesse hie hæfð ðonne git ahirde, ðætte hie ðonne gemanðwærige sio lufu & sio geferræden hiora nihstena, & hie to betran gebrenge.

and Sadduces unanimously persecuted him, trying to set them at variance, and spoke thus: "What ye do, brothers, do manfully. What, am I not your companion, and a Pharisee as ye are? And I am persecuted because I preach about the hope of the resurrection of the dead." He spoke thus because the Sadducees denied the resurrection after death, and the Pharisees believed in it, as the holy Scriptures tell. So he disturbed the unanimity of his persecutors, who before wished to destroy him, and escaped unhurt. Those who busy themselves with promoting peace are also to be admonished first to try and show the unwise minds what the love of inner peace ought to be, lest