Page:King Alfred's West-Saxon Version of Gregory's Pastoral Care (2).djvu/377

swutol ðæt ða twigu forseariað ðære unryhtan lare. Eac hie sint to manianne ðætte hie ðurh hiora gedwolan & ðurh hiora ungeðwærnesse ða Godes æ, þe us forbiet deoflum to offrianne, ðæt hie þa ilcan æ ne gehwierfen to diofulgilde. Be ðæm Dryhten siofende cwæð ðurh Ossei ðone witgan, he cwæð: Ic him sealde hwæte & win & ele & gold & syolfr ic him sealde genoh, & ðæt hie worhton to diofolgieldum Bale hiora gode. Ac ðonne we underfoð ðone hwæte æt Gode, ðonne we ongietað inweardlice ða æ, & onwrioð þa diglan cwidas, swelce we nimen ðone clænan hwæte, & weorpen ðæt ceaf onweg. And ðonne us selð God his win, ðonne he us oferdrencð mid ðære lare dioplices ondgietes. And ðonne he us selð his oele, ðonne he us his bebodu openlicor gecyð, & mid ðæm ure life liðelice & getæslice fereð. And ðonne he us selð micel siolfor, ðonne he us selð mycele getyngnesse & wlitige spræce ymbe soðfæstnesse to cyðonne. Ðonne he us gewelegað mid golde, ðonne he ure heortan onliht & gebirht mid ðæm sciman healices ondgietes. Ðis is eall ryhtwisra monna offrung Gode, ac hit brengað eall ða gedwolmen Bále, midðæmþe hie hiora hieremonna mod gedwellað, & eall hiera ondgiet forhwerfað mid hiora wó lare. Ðonne he doð ðone hwæte & ðæt win & ðone oele & ðæt silofr to diofolgieldum, ðonne hie ða gesibsumnesse & ða gesceadwisnesse to gedwolan & to ungeðwærnesse gehwierfað. Forðæm hie sint to manianne ðæt hie geornlice geðencen, ðonne hie mid forhwerfde mode ðære sibbe bebod gehwerfað to ungeðwærnesse, ðæt hie ðonne hie selfe ofsleahð from lifes wordum mid ryhtum Godes dome. Ongean ðæt sint to manianne ða þe ða word ðære halgan æ ryhtlice

twigs of unrighteous doctrine will soon wither. They are also to be admonished with their errors and discord not to pervert the law of God, which forbids us to sacrifice to devils, to idolatry. Of which the Lord spoke sadly through the prophet Hosea, saying: "I gave them wheat and wine and oil and gold and silver; I gave them enough, and they made it into idols for their god Baal." We receive the wheat from God, when we inwardly understand the law, and reveal the obscure sayings, as if we took the pure wheat, and threw away the chaff. And God gives us his wine, when he intoxicates us with the doctrine of deep understanding. And he gives us his oil, when he proclaims to us his commands more openly, and therewith leads on our life gently and softly. And he gives us much silver, when he gives us great