weorc he gewilnað. Se ðonne for ðære gewilnunge swelcra weorca biscopdóm ne secð, he bið ðonne him self gewita ðæt he wilnað him selfum gielpes; ne deð he ðonne ðæt án yfel ðæt he ne lufað ða halgan ðegnunga, ac eallinga he hie forsiehð; ond ðonne he fundað to ðæm weorðscipe ðæs folgoðes, his mod bið afedd mid ðære smeaunga ðære wilnunga oðerra monna hiernesse & his selfes upáhæfenesse, & fægenað ðæs hu hie[ne] mon scyle herigean. Ahefð ðonne his heortan forðy, & for ðære genyhte ðæs flowendan welan he blissað. He licet eaðmodnesse, & secð mid ðæm ðisses middangeardes gestreon. On ðæm hiewe ðe he sceolde his gielpes stieran on ðæm he his strienð. Mid ðy ðe he sceolde his gestreon toweorpan, mid ðy he hie gadrað. Ðonne ðæt mod ðenceð gegripan him to upáhefenesse ða eaðmodnesse, ðæt ðæt he utan eowað innan he hit anwent.
IX. Hu ðæt mod ðætte wilnað for oðre beon lihð him selfum, ðonne hit ðencð fela godra weorca to wyrcanne, & ðæt licett oðrum monnum, gif he worldare hæbbe, & wile hit ðonne oferhebban, siððan he hie hæfð.
Ac ðonne he wilnað to underfonne ða are & ðone ealdordom, he ðencð on ðam oferbrædelse his modes ðæt he sciele monig (g)ód weorc ðærón wyrcan, & he ðencð mid innewearde mode ðæt he gierneð for gilpe & for upáhafenesse ðæs folgoðes, smeageað ðeah & ðeahtigað on hiera modes rinde monig god weorc to wyreanne, ac on ðam piðan bið oðer gehyded. Ac on uteweardum his mode he liehð him selfum ymbe hine selfue bie ðæm godum weorcum; licet ðæt he lufige
IX. How the mind that desires to be above others deceives itself, when it thinks to perform many good works, and simulates it before other men, if he has worldly honour, and wishes to neglect it when he has it.
But when he wishes to undertake honour and rule, he thinks on the surface of his heart that he will do many good works in his office, and acknowledges in his inmost heart that he desires it out of pride and conceit of authority, but ponders and considers in the bark of his mind that he will perform many good works, but in the pith is something else hid. On the surface of his mind he is deceived about himself as to the good works; he pretends to love that which he
