(e) The Lynx Children
A′ₐʽke· łax̣a′x̣e· k!o·q!ᵘnenanakι′ste·k. qanit.ła′ₐne· k!o·′q!ᵘne· naqa′łt.se· tιłnamu′ʼe·s nʼasoqo′ᵤse·. ts!ιna′x̣e· k!o·′q!ᵘne· sιłts!ιnałιts!kι′łne· na‵qpo·ks. tsx̣ałʼe·′ko·łs tιłnamu′ʼe·s tsx̣ała′ko·łs tsu′o·s. ta′x̣as łax̣a′x̣e· yaki·łaqa′pske· sᵤwa′q!ₐmo·ʼs. ta′x̣as nʼits!kι′łne· k!o·′q!ᵘne·. k!o·ᵤkunmi′ye·t.s at nʼukᵘke·kιłkι′n·e· at q!a′px̣ₐne·. ałaqa·hakeyιksι′łe·k. kanmi′yet.s at ła.its!kι′łne·, a′ₐʽke· at łao·k!ᵘkikι′łkin. ta′x̣as wune·kι′t.se· nʼupsa′tᵢyił·o′ᵤse·, at nʼo·ᵤk!ᵘιnqa′nx̣ₐne·. ta′x̣as wιłqa′ₐne· neᵢ łkam·ukᵘι′ste·k. qakι′łne· ma′e·s: "qa′ła ke′e·n katituna′ła?" qak.ła′pse· ma′e·s: "neᵢs qa·na′x̣e· titunι′skeᵢł." qakι′łne· ma′e·s: "qa′psins ksłι′ts!ki·ł?" qak.ła′pse· ma′e·s: "sιłʼιts!kι′łne· sᵤwa′q!ₐmo·ʼs nʼιstιskι′łne·. łaqawa′x̣e·." neᵢ łkam·ukᵘι′ste·k nułpałni·tι′tᵢne· ksaki·łʼιt!qaox̣ax̣a′me·s ktsx̣ałʼina′me·s nata′ne·k!s. qake′ᵢne· neᵢ łkam·ukᵘι′ste·k ktsx̣ałts!ι′na·m, ktsx̣a′łʼιn nata′ne·k!. ta′x̣as ts!ιna′x̣e·. qa·na′x̣e·. nʼu′px̣ₐne· sakq!ₐnu′kse· sa·u˘sa˘qa′pse· nułʼa′qₐna·ʼs. nʼu′px̣ₐne· siłʼits.!kι′łse· kia′kx̣o·s. noʼhᵤne· ke′e·ns titu′e·s. k!umnaqaqa′pse·. qakι′łne·: "qa′psin kι‵nsiłʼaqaosa′qa?" qake′ᵢne· k!o·′q!ᵘne·. qakeι′łne·: "peι′k!a·ks nᴇqa′ₐne· kaa·′qa·łt nʼa′sne·, ta′x̣a husιłtska′x̣e·, husya′x̣ₐne· na′qpo·kᵘ, tsx̣ałʼe′ᵢko·ł katιłna′mu tsx̣a′ₐłtsuᵤt kaa·′qałt. huqᵘa‵tałʼupι′łne·." qak.ła′pse· neᵢs nιtsta′ha·łs: "hu′ya·ʽs a′ₐʽke·łaqakι′łe·nʼ." qake′ᵢne· k!o·′q!ᵘne·: "hutskułmune·ᵢki·ł." ta′x̣as nʼu′px̣ₐne· neᵢ nιtsta‵hałkι′ste·k notsu′kse·. qake·ᵢne· k!o·′q!ᵘne·: "ta′x̣as łakiłkułmune′ᵢki·ł." ta′x̣as ła.unakx̣uʼn·e·. ta′x̣as nʼu′px̣ₐne· neᵢ nιtsta‵hałkι′steᵢk yunaqa′pse· sₐwa′q!ₐmo·ʼs. ta′x̣as tsukᵘa′te· aₐʽkιnq!a′woks. ta′x̣as q!akpa‵kitneᵢnx̣o′ᵤne· neᵢ sᵤwa′q!ₐmo. nʼu′px̣ₐne· titu′ʼe·s słatιqkatk.ʼnse·. nʽuk!łatιqkatkι′nse·. ta′x̣as nʼumatsna′ₐte·. tseᵢkaʼte· k!o·ʼq!ᵃne· sanmux̣una′kse· sᵤwa′q!ₐmo. qak.ła′pse·: "ta′x̣as hιntsx̣ałʽιtmase′ᵢte·." ta′x̣as noʽhᵤne·. mitiya′x̣ₐne· sukᵘιłq!o′ᵤkᵢne· k!u′px̣a aₐʽqa′łt!e·s. qak.ła′pse· "hutsts!ιnax̣ałaʽₐne· neᵢ ya‵ₐkiłʽitiyaʽmke· nataʽne·k!. ta′x̣as nι′n·ko słata!ιnam. łne· i.łnamu·ʼne·s."
(d) The Animals Make the Sun (continued)
Ta′x̣as ts!ιna′x̣e· nι′tstahałkι′ste·k. łax̣a′x̣e· neᵢs aₐʽkιk.łuna′me·s. ta′x̣as qak.ła′pse· naso′ᵤkᵘe·n: "kanmi′yit hιntsx̣ałts!ιna′x̣e·." nao·′kᵘe· ta′x̣as ktsiłmi′yit, wυ′łna·ms ts!ιna′x̣e·. ta′x̣as yu·wakme·nukqa′n·e·. to′x̣ᵘa nʼιsqat.łe.ι′tᵢne·. ta′x̣as tska·nuqka′n·e·. ta′x̣as to′x̣ᵘa nʽutᵢmiłe.ι′tᵢne·. ta′x̣as to′x̣ᵘa kiyu′kᵢyit. nʼutᵢmiłe.ι′tᵢne·. ta′x̣as kiyu′kᵢyit. ta′x̣as nʼutᵢmiłe.ι′tᵢne·. nʼitkιnι′łne· nι′łe·. ta′x̣as łaqa‵haq!akwu′m-
