35. Coyote and Caribou
Nʼasma′łne· na′x̣ₐne·. at ts!ιna′x̣e· na′x̣ₐne·. sa].nιłwi′yne· skι′n·ku·ts. qałwi′yne· tsx̣ałʼu′pił neᵢs na′x̣ₐne·s. qake′ᵢne· skι′n·ku·ts\: "qa′psin at skiłwunikι′tᵢne·?" qake′ᵢne· na′x̣eₐne·: "at husiłʼι′kᵢne· ktsaqu′na tsa′hał at husłaqałwa‵sιłsι′kᵢne·." nʽipι′łne· skι′n·ku·ts neᵢs na′x̣ₐne·ʼs. łaska′x̣e· skι′n·ku·ts· qaox̣ałtιnax̣a′mne· neᵢs aₐʽkit.ła.ι′se·s. nʼι′pᵢne· na′x̣ₐne·. nʼiła′n·e· skι′n·ku·ts. qake′ᵢne· "ma kutsła′keᵢł ka′swu." ta′x̣as.
36. Coyote and Owl
Ku′pi sakiła′yne· łkamnι′nta′ke·s. qake′ᵢne· skι′n·ku·ts: "hutsx̣ałʼι′n·e· łka′m·u." nʼιła′n·e· skι′n·ku·ts tsiłmiyι′t.se·. qakiłι′łne·: "hιnsa·nłux̣łitι′tᵢne·, to′x̣wałιntkayax̣ni′sᵢne· ku′pi." qanałqunyax̣a′łne· skι′n·ku·ts. qa·wax̣mitι′łne· aₐʽk!ałax̣we′et.s. qanałtsukᵘata′pse· ku′piʼs, ts!ιnałkna′pse·. qake′ᵢne·: "hunʼι′n·e· skι′n·ku·ts." qakι′łne· ku′piʼs: "huła‵qwiłna′ła." naqwi′łne· skι′n·ku·ts a′ₐ·ke ku′pi. skι′n·ku·ts nʼipι′łne· neᵢs ku′pis. k.łaa′yne· łkamnιʼnta′ke·s. łats!ιna′x̣e·. qake′ᵢne·: "hunʼipι′łne· ku′pi." ta′x̣a.
37. Coyote and Deer
Qa·na′x̣e·. nʼu′px̣ₐne· tsu′pqaʼs. qałwi′yne· ktsx̣ałmi′tx̣a. nałomi′se·, słʼoneła′pse· neᵢs qakι′n·e·. łats!ιna′x̣e· qawιsqa′pse· nʼιsqawitsła′ʼmse·. qake′ᵢne· skι′n·ku·ts: "k!ιsιnyu′kᵘa[1]tιtu′ʼne·s?" qake′ᵢne· neᵢ qa′psin: "qa′psin? kinq!akpa′mek neᵢ kinι′płap?" qake′ᵢne· skι′n·ku·ts: "huqᵘałwi′yne· pał ke′ło· qa′psin." ta′x̣as.
[Nos. 38-44. Description of Dances, Games, and Hunting]
38. Kissing Dance
Kt!amu′x̣o·ł ka′qwιł tι′tqa·t!ts pa′łkeᵢ kałqok!ałma′x̣nam. namatιktsι′łne· se·′ιt!s. łaa′k!łaₐk nałqok!ałmax̣a′łne·. namatιktsι′łne· yunaqa′ₐne· qa′psin.
39. Sun Dance
Nʼitιt.łana′mne· tsx̣ałhanqux̣o′ᵤłne· ts!ιsιn·ιnqux̣onałka′ʼne· na′ksaq.
- ↑ Or aₐʽkiyuka′ʼnam.
