[Nos. 48-50. Told by Mission Joe and Felix Andrew]
48. The Animals and the Sun
Qa·k.łu′ᵤnam nʼιłwat!tka′ₐne· naso′ᵤkᵘe·n. qake′ᵢne·: “qa′łaʼs tsx̣a′łʼιns nata′nιk!s?” ta′x̣as nakq!yι′tᵢne·. k!o′k!we· qake·łι′łne·: “hι‵ntsx̣ałʼι′ne·.” ta′x̣as tsx̣anatamna′mne· neᵢs k!o′k!we· ktsx̣a′łʼin· nata′n·ιk!s. ta′x̣as q!a′pe· nułpałnetιtna′mne· neᵢ ktsaqanι′ke·t. ta′x̣as ts!ιna′x̣e· neᵢ k!ιłwa′t!te·ł ktsx̣a′łʼιn nata′nιk!s. qałʼatι′łne· qo′kᵘi·n. ta′x̣as ts!ιn·a′x̣e·. ta′x̣as ktsιłmni·′yιt. kkanmi·′yιt nakiłwιtskiłι′łne· ktsi‵wakmᴇnu′qka·. ta′x̣as yuwa·kmnuqka′n·e· qatałso‵kᵘaka‵t.łιtιtᵢne′ᵢne· neᵢ k!ιktι‵kmnu′qka; nʼu‵psła‵tᵢyi·łhamqoq!u‵kuł·a‵ₐkat.łe·tιtᵢne′ᵢne· neᵢ kιy\Q·′kweᵢt; nʼupsła‵tᵢyιłqaqa′ₐne·ts kwałkwa·′yιt. ława′x̣e· neᵢ nata′n·ιk!. qakya′mne·: "siłsaha′n·e· na·sts k!aqa′qa k!upsła‵tᵢyiłhamqoq!u‵ku·ł·akat.łe·tι′tᵢne·." qakya′mne·ts qa·ι′n·e·. tseᵢkatι′łne·, nʼo·k!we′ᵢne· nʼιłwat!tι′łne·. nʼι′ne· ι′nła·k. ktsιłmi′yιt.s, ta′x̣as ts!n·a′x̣e· ι′nła·k. kkanmi·′yιt yuwa·kmᴇnuqka′n·e·. ta′x̣as k!ιktιkmᴇnu′qka′·, namak!tsa‵ₐkat.łe·tιtᵢne′ᵢne· na a′m·ak. nʼupsła‵tᵢyiłqaqa′ₐne·ts kwałkwa′ye·t. ta′x̣as
