Page:Lass of Glenshee.pdf/2

THE LASS O' GLENSHEE.

ON a bonny day, when the heather was blooming,
and the silent hill bumb'd wi' the sore laden'd bee,
I met a fair maid as I hameward was riding,
a herding her sheep on the hill of Glenshee;
The rose in her cheek it was gem'd wi' a dimple,
and blythe were the blinks o'her bonny back e'e;
Her face so enchanting, so neat and so handsome,
my heart soon belong'd to the lass o' Glenshee.

I kiss'd and caress'd her, and said, My dear lassie,
if you would but go to St. Johustoun wi' me,
There's none o the fair shall set a foot on the causeway
wi' cleading mair fine than the lass o' Glenshee.
A carriage for pleasure you shall ha'e to ride in,
and fouk shall say Mem, when they speak unto thee;
Servants you shall ha'é for to do your biddin':
I'll make you my lady, the lass of Glenshee.

It is mock me nae mair wi' your house for to bide in,
nor think that your grandeur I value a flee,
I would think mysel' happy in a cottie o' plaiden
wi an innocent herd on the hills o' Glenshee.
Believe me, dear lassie, Caledonia's clear waters
may alter their course, and run back frae the sea,
Her brave hardy sons may submit to be in fetters,
but never believe nae sic baseness in me.