27. Gif friman edorbrecþe gedeþ, VI scillingum gebete.
28. Gif man inne feoh genimeþ, se man III gelde gebete.
29. Gif friman edor gegangeð, IIII scillingum gebete.
30. Gif man mannan ofslea, agene scætte ⁊ unfacne feo gehwilce gelde.
31. Gif friman wið fries mannes wif geligeþ, his wergelde abicge, ⁊ oðer wif his agenum scætte begete ⁊ ðæm oðrum æt ham[1] gebrenge.
32. Gif man rihthamscyld<refriht hamscyld. H—Thorpe and Schmid write as two words; Liebermann as one.></ref> þurhstinð, mid weorðe forgelde.
33. Gif feaxfang geweoð, L sceatta to bote.
34. Gif banes blice weorðeþ, III scillingum gebete.
35. Gif banes bite weorð, IIII scillingum gebete.
36. Gif sio uterre hion gebrocen worðeþ, X scillingum gebete.
37. Gif butu sien, XX scillingum gebete.
38. Gif eaxle gelæmed weorþeð, XXX scill' gebete.
39. Gif oþer eare nowiht[2] gehereð, XXV scill' gebete.
40. Gif eare of weorð aslagen, XII scill' gebete.
41. Gif eare þirel weorðeþ, III scill' gebete.
42. Gif eare sceard weorðeþ, VI scill' gebete.
43. Gif eage of weorð, L scillinga gebete.
44. Gif muð oþþe eage woh weorðeþ, XII scill' gebete.
45. Gif nasu ðyrel weorð, VIIII scillingum gebete.
