This page needs to be proofread.
10
ÆTHELBERHT
46. Gif hit sio an hleore, III scill' gebete.
47. Gif butu ðyrele sien, VI scill' gebete.
48. Gif nasu ælcor sceard weorð, gehwylc VI scill' gebete.
49. Gif ðirel weorð, VI scill' gebete.
50. Se þe cinban forslæhð, mid XX scillingum forgelde.
51. Æt þam feower toðum fyrestum, æt gehwylcum VI scillingas; se toþ se þanne bistandeþ IIII scill'; se ðe ðonne bi ðam standeþ III scill'; ond[1] þonne siþþan gehwylc scilling.
52. Gif spræc awyrd weorþ, XII scillingas.
§1. Gif widobane gebroced weorðeþ, VI scill' gebete.
53. Se þe earm þurhstinð, VI scillingum gebete.
§1. Gif earm forbrocen weorð, VI scill' gebete.
54. Gif þuman ofaslæhð, XX scill'.
§1. Gif ðuman nægl of weorðeþ, III scill' gebete.
§2. Gif man scytefinger ofaslæhð, VIIII scill' gebete.
§3. Gif man middelfinger ofaslæhð, IIII scill' gebete.
§4. Gif man goldfinger ofaslæhð, VI scill' gebete.
§5. Gif man þone lytlan finger ofaslæhð, XI scill' gebete.
55. Æt þam neglum gehwylcum scilling.
56. Æt þam lærestan wlitewamme III scillingas ond[2] æt þam maran VI scill'.
57. Gif man oþerne mid fyste in naso slæhð, III scill'.
