This page needs to be proofread.
22
hlothhere and eadric
16. Gif Cantwara ænig in Lundenwic feoh gebycge, hæbbe him þonne twegen oððe ðreo unfacne ceorlas to gewitnesse oððe cyninges wicgerefan.
§ 1. Gif hit man eft æt þam mæn in Cænt ætfó, þonne tæme he to wic to cyngæs sele to þam mæn ðe him sealde, gif he þane wite ⁊ æt þam teame gebrengen mæge.
§ 2. Gif he þæt ne mæge, gekyþe ðanne in wiofode mid his gewitena anum oþþe mid cyninges wicgerefan, þæt he
þæt feoh undeornunga his cuþan ceape in wic gebohte; and him man þanne his weorð agefe.
§ 3. Gif he þanne þæt ne mæge gecyþan mid rihtre canne,
læte þanne án, ⁊ se agend tofó.
