8
The Lass o' Gowrie.
Twas on a simmer's afternoon,
A wee before the sun gaed down,
My lassie, wi' a braw new gown,
Came o'er the hills to Gowrie.
The rosebud ting'd wi morning showers,
Bloomed fresh within the sunny bowers,
But Kitty was the fairest flower,
That ever bloom‘d in Gowrie.
I had na thought to do her wrang,
But round her waist my arms I flang,
And said, my lassie will ye gang
To view the Carse o‘ Gowrie.
I‘ll tak ye to my father's ha',
In yon green field beside the shaw,
And mak ye lady o‘ them a‘,
The brawest wife in Gowrie.
Saft kisses on her lips I laid,
The blush upon her cheek soon spread,
She whisper'd modestly and said,
I‘ll gang wi‘ you to Gowrie.
The auld folk soon gaed their consent,
And to Mess John we quickly went,
Wha tied us to our hearts content,
And now she's Lady Gowrie.
FINIS.
