Page:Linnet.pdf/3

THE

LINNET.

&c.

 

Divider from 'The Linnet', a chapbook printed in Falkirk in 1819

 

Earl Moira's Farewel.

Loudens bonny woods and braes,
I maun lea'e them a', lassie:
Wha can thole. when Britain's faes
Would gi'e Britons law, lassie?
Wha would shun the field of danger?
Wha' Frae Fame would live a stranger?
Now when Freedom bids avenge her,
Wha would shun her ca', lassie?
Louden's bonny woods and braes
Has seen our happy bridal-days,
And gentle Hope shall sooth thy waes,
When I am far awa', lassie.

Hark! the swelling bugle sings!
That gi'es joy to thee, laddie;
But the dolefu' bugle brings
Waefu' thoughts to me, laddie.
Lanely I may climb the mountain,
Lanely stray beside the fountain,
Still the weary moments counting,
Far frae Love and thee, laddie.