( 2 )
LOGIE o' BUCHAN.
An excellent new song.
O Logie o' Buchan! O Logie the Laird!
They ha'e taen awa Jamie that delv'd in the yard
Who play'd on the pipe, wi' the Voil sae sma;
They ha'e taen awa Jamie the flower o' them a'.
CHORUS.
He said think na lang Lassie tho' I gang awa;
For summer is coming cauld winter's awa,
And I'll come and see you, in spite o' them a'.
Sandy has Ousen, has Gear and has Kye;
A house and a hadden, and Siller forby.
But I'd tak mine ain Lad wi, his Staff in his hand.
Before I'd ha'e him wi' his Houses and Lands.
He said think na lang lassie, &c.
My Daddy looks sulky, my Minny looks sour.
They frown upon Jamie, because he is poor.
Tho I loe them as a Daughter should do,
They are no half so dear to me Jamie, as you.
He said think nae lang Lassie, &c.
I sit on my creepie and spin at my wheel,
And think on the Laddie that loed me soe weel;
He had but ae Saxpence, he brake it in twa,
And he gied me the half, o t, when he gaed awa.
CHORUS
Then haste ye back Jamie and bide nae awa.
Simmer is comming cauld winter's awa,
And ye'll come and see me in spite o' them a'.
