Page:Medicina de quadrupedibus.djvu/66

mid tẏrwan wẏrc him to sealfe; do an wifa stowe: raðe hẏt þa earfeþu ȝehæleð. Wið heafod-ece, þan ȝelice þe hit her-before ȝecweden is, nim þat y (u)lcan ⁊ smure þat [Cock. p. 340]heafod: hẏt hæled wunderlice. Wið earane sare eft nim þa ẏlcan sealfe hlutre, drupe on þat eare: wunderlice hyt hæled. Wið miltan sare foxes lungane on hæte æsca *ȝesoden^[1] ⁊ ȝecnucod ⁊ to drence ȝedon: þa miltan hit wunderlice ȝehæled; swa deþ his lifer ꝥ ẏlcan. Wið *weartan^[2] nim foxes sceallen, ȝecnid swiþe oft þar-mid þa weartan: hraþe hẏt hi tobrẏcþ^[3] ⁊ *on *weȝ^[4] deþ. Wið nearwe sworetunga^[5] foxes lungane ȝesoden ⁊ on swetan wine ȝedon ⁊ ȝeseald: *wunderlice^[6] hit haled. Wið sare curnlu foxes sceallen ȝenim ⁊ ȝegnid mid ȝelome: hraðe hẏ bẏd hæle. Wið gomane sara foxes sina ȝenim ⁊ on huniȝe ȝewæt ⁊ gnid mid *þa^[7] goman swiþe oft: sona hẏm bẏd sel þas broces. To wif-þingun foxes tæȝeles se ytemesta dæl on hermen ahangen: þu lifest ꝥ þis sẏ to wif-þingun^[8] on besmer [Cock. p. 342]ȝedon. Wið eara sare nim foxes geallan, mencg [wið ele, drẏpe on þa earan: hẏt wel ȝehæleþ. Wið eaȝena dẏmnẏsse ȝenim foxes ȝeallan ȝemencȝed] mid dore huniȝe ⁊ on eaȝen ȝedon, hit hælþ. Wið earane sara nim foxes ȝelinde ⁊ ȝedrupe ȝemẏlted^[9] on *þa^[10] eare: him cymð god hæle. Wið fota wæ (r)ce ȝif se inra dæl þæs sceos bẏð fixen-hẏd ⁊ ȝif hit [sẏ] fot-adl smire^[11] mid ele þa fet: hẏ habbað þæs þe leohtran gang.

1. ms. ȝebræde.
2. ms. wirtan.
3. ms. to by brycþ.
4. ms. aȝe.
5. The words wið nearwe sworetunge written again partly in the margin and partly (on top of a page) above the words wine ȝedon.
6. ms. wundelice.
7. ms. þam.
8. ms. to ti wid þingun.
9. ms. ȝedrupe ⁊ ȝemylted.
10. ms. þan.
11. ms. smu smire.