Page:Medicina de quadrupedibus.djvu/74

gate tord^[1] meng wið huniȝe, smura mid: sona bẏd sel. Wið *þeoh *wræce^[2] gate tord cned swiþe^[3] ꝥ hit sẏ swẏlce sealf^[4] ⁊ smẏre mid þa þeoh: sona hi bẏd hal. Wið swẏlas gate[Cock. p 356] tord, smẏre mid þa swẏlas: hit hi todrifd ⁊ ȝehæled ⁊ ȝedeþ ꝥ hi eft ne arisaþ. Wið syna ȝetoȝe gate tord meng wið ecede ⁊ smire mid: ꝥ sar byd ȝehæled. Gate ȝealla on wine ȝedruncen wifa halan him of adeþ ⁊ hẏ ȝehælþ.

Medicina (de) ariete.

Wið wearras ⁊ wið swulas blac rammes *wul^[5] on wæte ȝedifed ⁊ æfter^[6] þan on ele ⁊ siððan aled on ꝥ sara stowe: ꝥ sar heo onweȝ afyrred ⁊ ȝẏf hit byð mid ȝereced þa toslitena^[7] wunda heo forþricceð. Þa wearres ⁊ *þa^[8] swẏlas ðe beoþ on manes handum oþþe on oþrum lime oþþer embe þana utgang smure mid þan wætan þe druppe of *healfsodenre^[9] rammes lungene: raðe heo hiȝ onweȝ afirreð. Wið wund-sprinȝum on anwlitan rammes lungane smæl tocorfan ⁊ to ðan sare ȝeled: sona hit ȝehaleð. Wið scurfum rammes^[10] smeru nim ⁊ meng^[11] *dærto^[12] sot ⁊ sealt ⁊ sand ⁊ hit *wulla^[13] onweȝ ⁊ after smẏre: hit byd eft liþere.

[Cock. p. 358]

Medicina de apro. bov(e).

Wið ælc sar bares braȝen^[14] ȝesoden ⁊ to drence ȝeworht on wine: ealle sar hit ȝeliþegaþ. Wið herþena sare ⁊culli ⁊ ueretri *teorses^[15] bares braȝen meng wið huniȝ ⁊ wryþ on: wunderlice hit hæled. Wið innepes flewsan *niwe^[16] bares lifere ⁊

1. ms. to tord.
2. ms. þeoþ wrace.
3. ms. mid swiþe.
4. ms. seallf sealf.
5. ms. wulon.
6. ms. ef ⁊ æfter.
7. ms. þato slitena.
8. ms. swa.
9. ms. healfe sodene.
10. ms. p. rammes.
11. ms. o meng.
12. ms. to.
13. ms. willa.
14. ms. bla braȝen.
15. ms. teu’rse.
16. ms. nife.