Page:Melodist.pdf/18

18

JOCKY's FAR AWA'.

Now simmer decks the fields wi' flow'rs,
The trees wi' leaves sae green,
And little birds around their bow'rs
In harmony convene.
The Cookoo flies frae tree to tree,
While saft the zephyrs blaw;
But what are a' thae joys to me,
When Jocky's far awa?

chorus.
My Jocky's far awa' on sea,
My Jocky's far awa';
But what are a' thae joys to me,
When Jocky's far awa'?

Last May morning, how sweet to see
The little lambkins play!
Whilst my dear lad, alang wi' me.
Did gently wa'k that way:
On yon green bank sweet flow'rs he pu'd.
To busk my bosom bra';
But what are a' thae joys to me?
For now he's far awa'.
My Jocky's far awa', &c.

O gentle peace, return again,
Bring Jocky to my arms,
Frae dangers on the raging main,
An' safe frae war's alarms!
If e'er we meet, nae, mair we'll part,
While I ha'e breath to draw;
Nae mair I'll sing wi' aching heart,
My Jocky's far awa', &c.