masculis, et calyptrâ penitùs convenit; indè aliquo modo Buxbaumiæ accedens, præsertim figurâ capsulæ, et structurâ columellæ. Peristomio autem ab omnibus diversissimus.
Dawsonia polytrichoides.
Tab. II [XXIII].[1] Fig. 1.
Patria. Novæ Hollandiæ ora orientalis, extra tropicum.
Statio. Ripæ subumbrosæ rivulorum, ad radices montium, in vicinitate Portûs Jackson.
Desc. Cæspites laxi, amorphi. Radiculæ tenuissimæ, tomenti instar, caudicem descendentem brevem inves- [317 tientes. Caulis simplicissimus, erectus, strictus, 2–3-uncialis, basi reliquiis foliorum squamatus, suprà densè foliatus. Folia, e basi dilatatâ semiamplexicauli membranaceâ fuscâ, lineari-subulata, opaca, viridia, marginibus longitudinaliter dorsoque apicis denticulatis, spinulis sursum crebrioribus majoribusque, concaviuscula, patula, siccatione appressa, canaliculata, superiora vix semuncialia, inferiora sensim breviora.
Masculi Flores terminales, discoidei. Folia perigonialia cuneato-orbiculata, mucronata, integerrima, semimembranacea, exteriora sensim majora. Fila succulenta numerosa, articulata, basi attenuata. Antheræ flosculi singuli 6–8, cylindraceæ, brevissimè pedicellatæ.
Femineus Flos in distincto individuo. Seta terminalis, solitaria, erecta, lævis, nitens, rufo-fusca, caule ter brevior, foliis terminalibus duplò longior. Vaginula cylindracea, stricta, glabra, tegmine pilorum calyptræ exterioris instar instructa.
Calyptra duplex: exterior constans pilis intertextis dimidio inferiore tenui flexuoso pallido ramuloso edentulo, superiore ferrugineo stricto denticulato: interior membranacea straminea, capsulæ maturæ subulata, suprà longitudinaliter fissa, apice solum denticulata.
Capsula nutans, angulum ferè rectum cum setâ efformans,
- ↑ The figures within brackets refer to the numbering of this and subsequent plates in the 'Linnean Transactions.'—Ed.
