EUPOMATIA.
Ord. Nat. Annonaceæ!
Syst. Linn. Icosandria Polygynia, v. Monadelphia Polyandria.
Char. gen. Operculum superum integerrimum deciduum (integumentis floralibus præterea nullis). Stamina numerosa: exteriora antherifera: interiora sterilia petaloidea imbricata. Ovarium multiloculare, loculis indefinitis (numero et ordine), polyspermis. Stigmata; areolæ tot quot loculi, in apice planiusculo ovarii. Bacca polysperma.
Eupomatia laurina. Tab. 2.
In woods and thickets in the colony of Port Jackson, especially in the mountainous districts, and on the banks of the principal rivers; flowering in December and January.
DESC. Frutex erectus ramosus glaberrimus 5-10 pedes altus, trunco gracili, ramulis teretibus subporrectis. Folia alterna, in ramulis bifaria, petiolata exstipulata, impunctata coriacea utrinque nitida nigro-viridia, integerrima plana oblonga acumine brevi, basi acuta æquali, dum 5 uncias longa sesquiunciam lata. Pedunculi axillares, uniflori folio breviores ramuliformes, foliis 3-4 alternis nanis instructi. Perianthium superum, limbo juxta basin transversim dehiscente: Operculo caduco semielliptico, paulo ante dehiscentiam albo-virescenti, e calyce et corolla concretis forsan conflato. Stamina margine persistenti limbi perianthii inserta, multiplici serie, basibus connatis; exteriora antherifera numerosa patula vel arctè reflexa; Filamentis e basi dilatata subulatis; Antheris ochroleucis linearibus, adnatis apice filamenti in mucronulum ultro producti, bilocularibus longitudinaliter dehiscentibus; Polline globoso lævi; interiora sterilia petaloidea, arete imbricata multiplici serie, basi invicem et antheriferis connexa simulque decidua, interioribus sensim minoribus arctiusque imbricatis. Ovarium turbinatum multiloculare, loculis sparsis nec verticillatis, polyspermis, ovulis ellipticis angulo interiori loculi insertis. Stigma sessile planiusculum integrum, areolis subrotundis numero loculorum notatum. Bacca turbinato-obovata glabra, basi augusta limbi persistentis perianthii coronata, apice truncato areolato. Semina solitariè vel quandoque geminatim inclusa cellulis clausis, mutua pressione varie angulata, circumscriptione subovata [598 glabra impresso-punctata, altera extremitate, sæpius obtusiore, affixa; chorda ventrali ab umbilico parvo ducta ad extremitatem oppositam ibique in chalazam integumento interiori adnatam desinente; Integumenum duplex; exterius membranaceum intus undique emittens processus breves inter rugas albuminis demissos, et secundum chordam veutralem processum continuum altiorem nucleum semibipartientem; interius tenuissimum albumine arctissime adnatum: Albumen semini conforme carnosum lobatum. Embryo in regione umbilici, albumine 5-6ies brevior, dicotyledoneus albicans: Cotyledones lineares foliaceæ: Radicula teres recta longitudine cotyledonum.
