Sterculia.
Sterculiae pars auctorum ferè omnium.
Char. Gen. Calyx 5-fidus (rarò 4-fidus). Antheræ v. inordinatim congestæ v. polyadelphæ. Ovaria pluriovulata. Styli cohærentes (in unicum sæpiùs arctè deflexum). Stigmata in unicum 5-lobum coalita quandoque distincta. Folliculi lignei v. coriacei. Semina albuminosa; albumine bipartibili cum cotyledonibus plùs minùs arctè cohærenti. Embryonis radicula hilo contraria.—Arbores intra tropicos Asiæ (et insilarum adjacentium) Africæ et Americæ provenientes. Folia indivisa, v. lobata, v. in paucis digitatim composita. Inflorescentia v. paniculata v. racemosa, in plerisque nutans; floribus terminalibus sæpiùs præcocioribus et femineis, et in his stylus arctè deflexus.
- Folia composita, digitata: foliolis cum petiolo articulatis et separatim solubilibus.
a. Calycis laciniæ patulæ.
Sterculia (fœtida) foliolis 7—5 elliptico-lanceolatis acuminatis petiolatis vix quadruplo longioribus quam latis utrinque glabris.
S. fœtida, Linn., DeCand.
Loc. Nat. India orientalis, Insulæque Moluccanæ.
Obs. Varietatem in orâ septentrionali Novæ Hollandiæ, anno 1802, legi cujus venæ primariæ subflexuosæ et magis deliquescentes.
S. (polyphylla) foliolis 9—11 lineari-lanceolatis elongatis sessilibus sexies longioribus quam latis utrinque glabris.
Loc. Nat. E Sumatra, ad fretum Sunda, folium unicum reportavit D. G. Staunton (v. s.).
Obs. Figura Clompani majoris, Rumph. Amb. iii, t. 107, sat benè respondet, arboremque juvenilem biorgyalem, foliis
