12
STEVENSON'S POEMS
I've no been very deep, ye'll think,
Cam' delicately to the brink
An' when the water gart me shrink
Straucht took the rue,
An' didna stoop my fill to drink—
I own it true.
I kent on cape and isle, a light
Burnt fair an' clearly ilka night;
But at the service I took fright,
As sune's I saw,
An' being still a neophite
Gaed straucht awa'.
Anither course I now begin,
The weeg I'll cairry for my sin,
The court my voice shall echo in,
An'—wha can tell?—
Some ither day I may be yin
O' you mysel'.
