3
Lay the proud usurper low!
Tyrants fall in every foe!
Liberty’s in every blow!
Forward! let us do or die!
I GAED A WAEFU’ GATE YESTREEN.
I gaed a waefu’ gate yestreen,
A gate, I fear, I’ll dearly rue;
I gat my death frae twa sweet een
Twa lovely een o’ bonny blue.
’Twas not her golden ringlets bright,
Her lips like roses wat wi’ dew,
Her heaving bosom, lily-white,
It was her een sae bonny blue.
She talk’d, she smil’d, my heart she wil’d,
She charm’d my soul, I wistna how;
And aye the stound the deadly wound,
Cam frae her een sae bonny blue.
But spare to speak, and spare to speed,
She’ll aiblins listen to my vow;
Should she refuse, I’ll lay my deed
To her twa een sae bonny blue.
A’ THE AIRTS THE WIND CAN BLAW.
Of a’ the airs the wind can blaw,
I dearly lo’e the west,
For there the bonny lassie lives,
The lass that I lo’e best.
