Þæt þa cæmpen sæigden þæt se Hælend of deað arise. Ac wæron his þegnes cumen and heom feo geafen and þone Hælend forstælen."
Nichodemus þa upstod and cwæð: "Wyteð þæt ge riht specan beo Israele bearnen. Wel ge geherdan hwæt þa þreo weres sæden þe of Galilea comen beo þan Hælende." Þa Iudees smeaden hware Elias se witega wære. Þa cwæden heo sume pa get. "Wen is pæt he seo on Israele monte gesett mid his gaste. Ac uten us weres geceosan and þa montes gefaren," wealte þeh we hine mugen gefinden." Heo bæden þa Heliseum and þa weres þe pær betst wæron, þæt heo scolden faren and Helias secen. And heo ferdon on þa muntes þreore dagene fæc, ac heo hine finden ne mihten; ac heo gemetten Iosep on Barimathia on his agenre ceastre. Þa heo ham comen þa sæden heo hwu heo gefaren hæfden, and hwu heo hine finden ne mihten, and hwu heo Ioseph funden on his agene ceastre.
Þa wæron þa ealdres and þa mæssepreostes and eall þæt folc swyðe bliðe; and heo maceden mycele somnunge and gemot hwu heo Ioseph to heom gelaðigen mihten, and sænden an gewrit to him þuss gewriten: "Sibb seo mid þe Iosep and mid eallen þan þe mid þe byð
