Điss wæron þa halige geryne þe? Carinus and Leuticius awriten. And Carinus up astod and his carten Annam and Caipham and Gamaliele on hand sealde, and Leuticius his carte Nichodeme and Iosephe on hand [Fol. 100a] gesealde; and [heo] cwæden: "Godes sibb seo mid eow eallen." And Carinus and Leuticius wæron þa færinge on fægeren heowe swylce sunne leome, and on þære brihtnysse fram þan folca gewiten ecen life. And þa þa gewriten gerædde wæron, þa wæron heo gelice gewritene, þæt þær næs on naðer mare þone on oðern ane stæfe, ne forðen ane prica.
Þa þa soðfæste hit geherdan, þa cwæden heo: "Seo Drihten gebletsod ââ on eallra wurlde wurld. Amen." And heo ferden ham mid mycelen ege and blisse. And Ioseph and Nichodemus ferden to Pilaten and him heora gewrit æteowden. And Pilatus hit sænde Claudium to Romane byrig and gewrit hwu hit beo þan Hælende geworden wæs on Ierusalem, and hwu heo hine belæwden and hine him syðden
