(926)
dire satagerent. Factum hinc, ut selectus ille Virorum præstantissimorum Trias, post pancarum septimanarum spatium, Theorias suas, eleganter compendifactas, tantum non certatim transmitterent, Regiæque Societatis super iis sententiam exquirerent. Primus omnium D. Wallisius, sua de Motibus æstimandis Principia, literis d. 15. Novemb. 1668. datis, ejusdemque mensis die 29, traditis et prælectis, communicavit. Mox eum excepit D. Christophorus Wren, qui Naturæ Legem de Collisione Corporum, proximo mense Decembri, ejusque die 17. eidem Societati publico exhiberi curavit: quæ in mandatis mox dedit (præ-habito tamen utriusque hujus Authoris consensu) ut ad commodiorem horum Scriptorum communicationem, discussionemque diffusiorem, res tota typis mandaretur.
Hæc dum apud Nos geruntur, Ecce adfert Nobis tabellarius d. 4. Ianuarij insequentis (St. Angl.) Dn. Hugenii literas, ejusdem Mensis d. 5. (at st. nov.) exaratas, ejusque Scripti, de Motu Corporum ex mutuo impulsu, priores Regulas quatuor, una cum demonstrationibus, continentes. Habebam ego in promptu Theoriæ Wrennianæ Apographum, idque actutum eodem plane die, sic favente Tabellione publico, D. Hugenio, redhostimenti vice, remittebam, dilata interim literarum Hugenianarum (quibus tale quid includi, ob molem, et antegressum Authoris promissum, suspicabar) resignatione, donec ferret occasio Nobilissimum et. Sapientisimum Regiæ Societatis Præsidem, Dn. Vice-Comitem Brouncker, compellandi. Quo facto, amborumque Regulis in modo dicta Societate collatis, mirus confestim in utroque consensus offulsit; id quod insignem in nobis lubentiam pariebat, utrumquq hoc Scriptum prælo nostro committendi. Nihil hic nobis deerat a parte Hugenii, quam ejus consensus; absque quo fas nequaquam judicabamus, ipsius Inventum, maxime cum illud haud integrum eo tempore nobis dedisset, in lucem emittere. Curæ interim nobis erat, scriptum Ipsius publicis Regiæ Societatis monumentis inserendi; simul & Authori d. 11. Januar. solennes pro cordata illa communicatione gratias reponendi; additâ dehinc (die scil. 4 Februarij) sollicitâ commonefactione, ut suam hanc Theoriam vel Parisiis (quod proclive erat factu in Etuditorum, ut vocant, Diario) vel hic Londini in Adversariis Philosophicis, inprimendam curaret, vel saltem parmitteret. Quibus expeditis litteris
