10
THE THRISSILL AND THE ROIS.
The commoun voce up raise of birdis small,
Apon this wyis, O blissit be the hour
That thow wes chosin to be our principall;
Welcome to be our Princés of honour,
Our perle, our plesans, and our paramour, 180
Our peax, our play, our plane felicité;
Chryst thé conserf frome all adversité.
Than all the birdis song with sic a schout.
That I annone awoilk quhair that I lay,
And with a braid I turnyt me about 185
To sé this court; bot all wer went away:
Then up I lenyt, halflingis in affray,
And thus I wret as ye haif hard to-sorrow.
Off lusty May upone the nynt morrow.
