119
And now she works her mammy's wark,
And aye she sighs wi' care and pain;
Yet wistna what her ail might be,
Or what wad make her weel again.
But didna Jeanie's heart loup light,
And didna joy blink in her e'e,
As Robie tauld a tale o' love,
Ae e'ening on the lily lea?
The sun was sinking in the west,
The birds sang sweet in ilka grove,
His cheek to hers he fondly prest,
And whisper'd thus his tale o' love :
"O, Jeanie fair, I love thee dear!
O, eanst thou think to fancy me?
Or wilt thou leave thy mammy's cot.
And learn to tent the farms wi' me?
"At barn nor byre thou shalt na drudge,
Or naething else to trouble thee,
But stray amang the heather-bells,
And tent the waving corn wi' me."
Now what could artless Jeanie do?
She hadna will to say him na;
At length she blush'd a sweet consent,
And love was aye between them twa.
WILT THOU BE MY DEARIE?
Words by BURNS. Air_" The Souter's Dochter." Key-note G.
Wilt thou be my dearie?
When sorrow wrings thy gentle heart,
O, wilt thou let me cheer thee?
By the treasure of my soul,
And that's the love I bear thee,
I swear and vow, that only thou
Shall ever be my dearie:
Only thou, I swear and vow,
Shall ever be my dearie.
Lassie, say thou lo'es me ;
Or, if thou wiltna be my ain
Sayna thou'lt refuse me.
if it winna, canna be,
Thou for thine may choose me ;
Let me, lassie, quickly die,
Trusting that thou lo'es me.
