32
HAUD AWA FRAE ME, DONALD.
Words by R. ALLAN, KILBARCHAN. Music arranged by R. A. SMITH.
Key-note C.
HAUD awa, bide awa,
Haud awa frae me, Donald;
What care I for a' your wealth,
An' a' that ye can gie, Donald ?
I wadna lea' my Lowland lad.
For a' your goud an' gear, Donald ;
Sae tak your plaid, and o'er the hill,
An' stay,nae langer here, Donald.
Haud awa, bide awa, &c.
My Jamie is a gallant youth-
I lo'e but him alane, Donald ;
And in bonnie Scotland's isle
Like him there is nane, Donald.
Haud awa, bide awa,
Haud awa frae me, Donald ;
What care I for a' your wealth,
An' a' that ye can gie, Donald ?
He wears nae plaid, nor tartan hose,
Nor garters at his knee, Donald ;
But O he wears a faithfu' heart !
And love blinks in his e'e, Donald.
Sae haud awa, bide awa,
Come nae mair at e'en, Donald ;
I wadna break my Jamie's heart,
To be a Highland queen, Donald.
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (4).pdf/10}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
I GAED A WAEFU GATE YESTREEN.
Words by BURNS. Music by Riddle. Key-note B minor.
I GAED a waefu' gate yestreen,
A gate, I fear, I'll dearly rue ;
I gat my death fraé twa sweet een,
Twa lovely een o' bonnie blue.
'Twas not her golden ringlets bright,
Her lips like roses, wat wi' dew,
Her heaving bosom, lily-white,
It was her een sae bonnie blue.
She talked, she smiled, my heart she wiled,
She charmed my soul, I wistna how;
And aye the stound, the deadly wound,
Cam frae her een sae bonnie blue.
But, spare to speak, and spare to speed,
She'll ablins listen to my vow;
Should she refuse, I'II lay me dead
To her twa een sae bonnie blue.
