45
LOGAN BRAES.
Words by JOHN MAYNE. Air-"Logan Water." Keynote G minor.
By Logan's streams that rin sae deep,
Fu' aft wi' glee I've herded sheep:
I've herded sheep, and gather'd slaes,
Wi' my dear lad on Logan braes.
But waes my heart ! these days are gane,
And I wi' grief now herd alane
Since my dear lad maun face his faes,
Far, far frae me and Logan braes !
Nae mair at Logan kirk will he
Atween the preachings meet wi' me;
Meet wi' me, or, when it's mirk,
Convoy me hame frae Logan kirk.
I weel may sing,--these days are gane !
Frae kirk or fair I come alane;
While my dear lad maun face his faes,
Far, far frae me and Logan braes!
 | An image should appear at this position in the text. To use the entire page scan as a placeholder, edit this page and replace "{{missing image}}" with "{{raw image|Scottish minstrel (4).pdf/23}}". Otherwise, if you are able to provide the image then please do so. For guidance, see Wikisource:Image guidelines and Help:Adding images. |  |
O'ER THE MUIR AMANG THE HEATHER.
Words by JEAN GLOVER. Key-note D.
Comin' thro' the craigs o' Kyle,
Amang the bonnie blooming heather ;
There I met a bonnie lassie,
Keeping a' her ewes thegither.
O'er the muir amang the heather;
O'er the muir amang the heather;
There I met a bonnie lassie,
Keeping a' her ewes thegither.
Says I, my dear, whare is thy hame?
in muir, or dale, pray tell me whether?
Says she, I tent thae fleecy flocks
That feed amang the blooming heather.
O'er the muir, &c.
We sat us down upon a bank,
Sae warm and sunnie was the weather:
She left her flocks at large to rove
Amang the bonnie blooming heather.
O'er the muir, &c.
She charm'd my heart, and aye sinsyne,
I couldna think on ony ither;
By sea and sky! she shall be mine,
The bonnie lass amang the heather.'
O'er the muir, &c.
