Page:Soldier's departure.pdf/7

7

And a' the day to sit in dool,
And nae body to see me.
Ca' the ewes, &c.

Ye shall get gowns and ribbons meet,
Cauf leather shoon upon your feet;
And in my arms ye'se lie and sleep,
And ye shall be my dearie.
Ca' the ewes, &c.

If ye'll but stand to what ye've said,
I'se gang wi' you, my shepherd lad;
And ye may row me in your plaid,
And I shall be your dearie.
Ca' the ewes, &c.

While waters wimple to the sea,
While day blinks in the lift sae hie;
Till cauld death shall blin' my ee,
Ye shall be my dearie.
Ca' the ewes, &c.

---

MARY'S DREAM.

The lovely moon had climbed the hill
Where eagles big aboon the Dee,
And like the looks of lovely dame,
Brought joy to every body's ee;
A' but sweet Mary, deep in sleep,
Her thoughts on Sandie far at sea;