13
Hout awa! I winna hae him!
Na, forsooth, I winna hae him!
I'm fleyed to crack the holy Land,
Sae lawty says, I shouldna hae him.
GUDE ALE COMES.
O gude ale comes, and gude ale goes;
Gude ale gars me sell my hose,
Sell my hose, and pawn my shoon;
Gude ale keeps my heart aboon.
I had sax oxen in a pleuch,
And they drew teuch and weel eneuch:
I drank them a' just ano by ane;
Gude ale keeps my heart aboon.
I had forty shillings in a clout,
Gude ale gart me pyke them out;
That gear should moul' I thought a sin;
Gude ale keeps my heart aboon.
Gude ale hauds me bare and busy,
Gars me moop wi' the servant lizzie,
Stand i' the stool, when I hae done;
Gude ale keeps my heart aboon.
O gude ale comes, and gude ale goes:
Gude ale gars me sell my lose,
Sell my hose, and pawn my shoon;
Gude ale keeps my heart aboon.
