150. Xeꜭa huvinak voo chi ꜫih xiꜭo rubana pa tinamit, ok xbe Tunatiuh Cuzcatan xiꜭo cam apon Atacat; ha chi cay Queh xcam Atacat ruma Castilan vinak ronohel ꜭa achiha; xebe ruꜭin Tunatiuh camiçay richin Yaqui.
151. Ha ꜭa chi lahuh Hunahpu, xul chic ok xpe Cuzcatan, xa ru cavinak xbe ru bana Cuzcatan, ok xul chic pa tinamit. Tok xuꜭutuh ꜭa Tunatiuh hun quimeal ahaua, xya ꜭa chirichin Tunatiuh ri cumal ahaua.
Qutubal ꜭa puak vae.
152. Tok xꜭutux ꜭa qui puvak ahaua ruma Tunatiuh; xrah naek ꜭa yari xaki molom puvak xa tzimay, xa ꜭal vach: maqui ꜭa xuꜭam xacani xcakar Tunatiuh chique ahaua, xcha: Nak rumal maqui ti ya puvak chuvichin, maquipe vave ulinak vi ru puak ronohel amaꜫ avuꜭin, tauaho pe cat nu poroh, cat nu hiꜯah, xeucheex ahaua.
153. Tok xuꜫat ꜭa Tunatiuh oxoꜫopeto chi ꜫana puvak, xquitih chiꜭa ahaua ru ꜫipuxic, xeoꜫ ahaua chuvach; xax maqui vi xraho chic Tunatiuh, xa xcha: Ti vechaah pe ri puak obix tiya. Vue ꜭa maqui ti ya chiri, ti vetamah ꜭa nu ꜭux, xeucheex ahaua. Cani xꜯak can xca retal, tok xquimol ꜭa ahaua qui puak ronohel ꜭa ru mam ahauh ru ꜭahel ahauh, xu ya ru puak, xutih ru ꜫih vinak ruma ahaua.
154. Ki ꜭa tiniꜭahar ru yaic puak chire Tunatiuh, tok xꜭutun hun achi ꜭaxtoꜭ: Yn cakolahay, tincamiçah Castilan vinak, xcha chique ahaua; xa pa ꜫaꜫ queyaar vi, tin ꜫoçih tinamit que el ꜭa el ahau ꜭhaka ya, ha ꜭa
