¶ The ix fable is of the wulf / of the labourer / of the foxe / & of the cheſe
Omtyme was a labourer wgiche[errata 1] vnnethe
myght gouerne and lede his
oxen by cauſe that they ſmote with
theyr feet / wherfore the labourer
ſayd to them / I pray to god that
the wulf may ete yow / the whiche wordes the
wulf herd / wherfore he hyd hym ſelf nyghe
them vnto the nyght / And thenne came for to
ete them / ¶ And whanne the nyght was come /
the labourer vnbonde his oxen / and lete them
goo to his hows / ¶ And thenne whanne the
wulf ſawe them comynge homeward / he ſayd /
O thow labourer many tymes on this day thow
dydeſt gyue to me thyn oxen / and therfore hold
thy promeſſe to me / ¶ And the labourer ſayd
to the wulf / I promyſed to the nought at al / in
the preſence of whome I am oblyged or bound /
I ſwore not neyther to paye the / and the wulf
anſuerd / I ſhalle not leue the goo / withoute
that thow hold to me that / that thow promyſeſt
and gaueſt to me / ¶ And as they had ſoo grete
ſtryf and deſcencion to gyder / they remytted