5
And Seaton keen to clear the ees
of rebels far in wrang man;
Did never stive wi' pistole ve,
but gallop'd with the thrang wan:
He turned bis back and in a crack,
was cleanly out of sight man;
And thought it best, it was nae jest,
wi’ Highlanders to fight man.
’Mong a' the gang nane bade the bang,
but twa and ane was tane man;
For Campbell rade, but Morie staid,
and sair he paid the kain man,
Fell skalps he got was waur than shot,
frae the sharp-edged claymore man,
Frae mony spout came running out
his reeking red hot gore man.
But Gard'ner brave did still behave,
like to a hero bright man,
His courage true like him were few,
that still despised flight man:
For king and laws and country’s cause,
in honour's bed he lay man,
His life but not his courage fled,
while he had breath to draw man.
