7
Some Highland rogues like hangry dogs,
neglecting to pursue man,
About they fac'd and in great haste,
upon the booty flew man
And they as gain for all their pain,
are deck'd wi’ spoils o' war man;
Fu’ bauld can fell now her nainsel',
was ne'er sae pra' pefore man
At the thorn tree, which you may see,
bewest the Meadow mill man,
There mony slain lay on the plain,
the clans pursuing still man
Sic unco' backs and deadly whaks,
I never saw the like man,
Lost hands and heads cost them their deeds,
that fell at Preston-Dyke man.
That afternoon when a' was done,
I gaed to see the fray man;
But I had wist what after past,
I'd better staid awa man
On Seaton sands, wi' nimble hands,
they pick'd my pockets bare man;
But I wish ne're to prie sic fear,
for a' the sum and mair man.
