This page has been validated.
SONGS.
DONALD CAIRD.
Donald Caird's come again;
Donald Caird's come again;
Tell the news in burgh and glen,
Donald Caird‘s come again.
Donald Caird can lilt and sing:
Blythely dance the Highland fling.
Drink till the gudeman be blind;
Fleech till the gudewife be kind;—
Hoop a leglin, cloot a pan,
Crack a pow wi‘ ony man;
Tell the news in burgh and glen,
Donald Caird's come again.
Donald Caird can wire a maukin,
Kens the wiles o’ dun deer staukin;
Leisters kipper; makes a shift
To shoot a muirfowl in the drift,
Water bailiffs, rangers, keepers,
He can wauk when you are sleepers
Not for bountith or reward
Dare you mill wi‘ Donald Caird.
