10
As gif the sun were shining bright,
The ghaist was standin at the door ,
In the some dress he had before,
And o’er anent it, at the wa’
Were ither apparitions twa,
Thrummy beheld them for a wee.
But deil a word as yet spoke he,
The spirits seem’d to kick a ba',
The ghaist against the tither twa,
Whik dose they drave baith back an’ fore,
Atween the chimley and the door.
He stops a while and sees the play.
Syne rinnin up he thus did say,
Ane for ane may weel compare.
But twa for ane is rather fair.
The play's nae equal, sae I vow.
Dear brother Thrummy, I'll help you.
Then wi' his foot he kick’d the ba',
Gart it play stot against the wa’:
Quick then as lightnin’ frae the sky.
The spectres wi' a horrid cry.
All vanish’d in a clap o' thuner,
While Thrummy at the same did wonner.
The room was quiet now and dark,
And Thrummy strippet till his sark.
Glauming the gate back till his bed,
He thinks he hears a person tread.
And e’er he gat without the door
The ghaist again stood him before;
And in his face did flaring stand,
Wi’ a big candle in his hand.
Quoth Thrummy, Friend I want to know
