14
Then baith cam stapping down the stair;
The morning now was clear and fair.
Weel says the laird my trusty frien,
Hae ye ought in your chamber seen?
Quoth Tbrummy Sir I naething saw
That did me ony ill ava—
Weel qouth the laird ye now may gang.
Ye ken the day’s nae very lang;
In the meantime it's calm and clear,
Ye lose your time in biding here.
Quoth Thrummy Sir mind what I tell,
I've mair right here than you yoursel;
Sae till I like I here shall bide:
The laird at this began to chide;
Says he. my friend ye’re turning rude,
Quoth Thrummy, I’ll my claim make good:
For here I just before you a',
The rights o' this estate can shaw,
And that is mair than you can do,—
What, quo the laird can that be true?
’Tis true, quo Thrummy, look and see.
D'ye think that I wad tell a lie?
Then from his pouch the parchments drew,
And down upon the table threw.
The laird at this up to him ran,
And cried whar did you get them, man,
Syne Thrummy tald him a' the tale,
As I’ve tald you baith clear and hale,
The laird at this was fidgin sain,
That he had gat his rights again,
And fifty guineas down did tell,
besides a present frae himsel.'
