| Mr. Brown, on the Proteaceae of Jussieu. | 47 |
descriptio
Frutices v. Arbores vix excelsæ; rarissimè Herbæ.
Rami in plerisque annotino-umbellati.
Folia sparsa, nunc verticillata v. opposita, persistentia, exstipulata, indivisa v. variè dentata, seu incisa profundiùsve laciniata, rarissimè verè composita.
Inflorescentia subspicata, modò laxius, in racemum v. corymbum floribus sæpè geminatis, nunc densiùs congesta in capitulum, vel aggregata supra receptaculum planiusculum, involucro persistenti, sæpiùs imbricato, subtensum: in quibusdam quasi abortione, uniflorum, indicante involucro calyculum tunc æmulante. Bracteæ dum flores geminati singulis paribus communes; in capitatis persistentes sæpiùsque auctæ et induratæ, rarò connatæ; in aggregatis nanæ, plerumque deciduæ, quandoque nullæ.
Flores in plerisque hermaphroditi perfecti, nunc organorum vitio diclines.
Calyx tetraphyllus, foliolis distinctis v. sæpiùs plùs minùs arctè cohærentibus tubulosus; limbo quadrifido, æquali, laciniis subspathulatis; nunc irregulari sive ex earum cohæsione rariùsve inæqualitate: coloratus, subcoriaceus, avenius, extùs sæpè pubescens, intùs glaber rariùsve barbâ utplurimùm partiali instructus, valvatìm aperiens, ante expansionem marginibus subtrunctatis mutuò cohærentibus: deciduus v. marcescens, dum tubulosus sæpiùs a basi tandem quadrifidâ abscedens, quandoque basi integrâ diutiùs persistente.
Corolla nulla.
Stamina quatuor, (altero nunc sterili,) foliolis calycis opposita, iisdemque sæpissimè inserta, in plerisque juxta apicem, quandoque prope medium v. basin; rarò hypogyna; calycem nunquam superantia.
| Fila- |
