Read November 7, 1815.
ARAUJIA
Character Genericus.
Calyx magnus, profundè quinquepartitus, persistens. Corolla campanulata, basi subglobosa, quinquegibba, tubo infra medium coarctato, limbo quinquefido. Nectaria sacculi quinque gibbosi, in fundo corollæ inter antherarum filamenta decurrentia, in quorum decursu squama horizontalis et auricula terminalis. Styli duo brevissimi; Stigma utrisque commune ovatum, apice bicorni. Folliculi duo oppositi, deorsum flexi, coriaceofungosi, subovales, semi-biloculares: dissepimento eorum ad centrum, seu medium, protenso, utrinque multilamellato. Semina numerosa, lamellis dissepimenti adhærentia, comâ longâ sericiformi coronata.
Araujia sericofera.
A. caule fruticoso, scandente; foliis cordatis, integerrimis, glabris, ad petioli apicem glandulosis; racemis paucifloris.
Radix perennis, ramosa, serpens.
Caulis fruticosus, debilis, scandens, teres, glaber, infernè pennæ anserinæ supernè gallinaceæ crassitudine, tres quatuorve pedes
et
